Bütün kitab oxuyanları salamlayıram, nəzərinizə çatdırım ki, yazdığım əsər qısa şəkildədir. Ümidvaram bəyənəcəksiniz. Sağolun
Günümüz.. Addım. Bir addım. Bir addım yenidən. Sonra bir addım daha. İçki şüşəsini qaldırıb dodaqlarına gətirdi. Sonra irəliləməyə davam etdi. Dama qalxanda künc tərəfə doğru irəlilədi. Künc tərəfə gəldiyində aşağıya baxdı. İnsanlar necə də balacadılar. Balaca və dəyərsizdilər. O, həyatında dəyərli olan nə var idisə, hər şeyi itirmişdi. İndi yaşamağın nə mənası vardı?. Yenidən içki şüşəsini dodaqlarına götürdü və aşağıya yenidən baxdı. İnsanlar, işıqlar, maşınlar, binalar.. Hərşeydən nifrət edirdi. Nəyi qalmışdı arxada? Bu dəyərsiz canı? Canının nə qiyməti var idi ki, bu saatdan sonra? Yavaşca ayağa qalxıb, aşağıya tərəf yaxınlaşdı. İnsanlar. İnsanlar hər şeydən xəbərsiz necə də yaşayırlar. İçki şüşəsini son dəfə də dodaqlarına götürdü. Şüşəni aşağı tulladı və necə uzaqlaşmağının şahidi olmaq istədi. Birazdan özü də elə olacaqdı. " Bu dəyərsiz həyatı sonlandırmaq vaxtıdı" - deyə mızıldandı. Son bir dəfə də nəfəsini ciyərlərinə çəkdikdən sonra gözlərini yumdu...
