Qısa olaraq onu qeyd edim ki, roman detektiv janrında yazılıb və yaxşı düşünülmüş, maraqlı süjet xəttinə malikdir. Hadisələrin xronoloji ardıcıllığı oxucunu psixoloji təsir dairəsində saxlaya bilir (Bunu romanı oxuyan əksər oxucular təsdiq edir). Bu da mənim ilk romanım üçün böyük uğurdur. Təbii ki, "Taleyin yazılmamış hökmü"ndə detektiv əsərlərə xas əlamətlərdən başqa özüməməxsus üslubun olması əsəri daha da orijinal edir. Çalışmışam ki, romanda hər bir hadisəyə lokanik yanaşım və oxucunu yormadan məsələdən birbaşa hali edim. Düşünürəm ki, bu əksər oxucunun ürəyincədir. Eyni zamanda oxucunun nəzəri olaraq oxuduğu mətn hadislərinin ikinci tərəfi ikən, oxucunun öhdəsinə buraxılan "düşüncə" əsərin görünməyən əsas tərəfidir. Yəni romanı nəzəri oxuyan şəxs əslində məğzin nədən ibarət olduğunu özü düşünməlidir. Ümid edirəm ki, romanı oxuyan hər kəs bu mətnaltı "gerçəkliyi" izhar edə biləcək...
Romanın annotasiyası:
“Quba rayonunda məşhur iş adamı öz bağ
evində sinəsindən tüfənglə vurulmuş halda aşkar
edilir. Yerli polis bölməsi hadisənin intihar olduğunu
zənn edir. Bununla razılaşmayan mərhumun
general qudası təcrübəli kriminalist-ekspert Vəzir
Mehdiyevdən bu hadisənin təhqiqatını aparmağını
istəyir. Mehdiyev tez bir zamanda hadisənin cinayət
olduğu qərarına gəlir və dövlət təhlükəsizliyinə
təhdid yaradacaq böyük bir qruplaşmanı ifşa etmək
üzrədir. Ancaq...”
Taleyin hökmünü gözləmək azdı,
Taleyin hökmünü özün imzala...
