Marketinqdə qırx illik karyeram zamanı bəzi bilgilər və hətta azacıq müdriklik əldə etdim. İnsan fəaliyyətinin bu sahəsi üzərində baş sındıraraq, onun əsaslarına yenidən baxılmasının lazım olduğunu düşündüm.
İlk öncə müasir marketinq üçün daha əhəmiyyətli saydığım 80 anlayış, ya da konsepsiyadan ibarət siyahı tutdımı və onların məzmunu, müasir biznes üçün mahiyyətini dərk etməyə xeyli vaxt sərf elədim. Əsas məqsədim effektli və innovasiyalı marketinqin əsas prinsiplərini və ən yaxşı üsullarını üzə çıxarmaqdı. Bu səyahət zamanı xeyli maraqlı kəşflər etdim və marketinqin bir çox aspektlərinə yeni bucaqdan baxmağa başladım.
Qarşımda duran məsələ növbəti 800 səhifəlik marketinq dərsliyi yazmaq, ya da bımdan əvvəl yazılmış kitabları təkrarlamaq deyildi. Önəmli olan yeni ideyaları, qiymətləndirmələri və oxucunu hərəkətə gətirə biləcək konkret praktik məsləhətləri rahat başa düşüləcək formada təqdim eləməkdi. Nəticə isə növbəti oxucu qrupuna hədəflənmiş bu balaca kitab oldu:
• Birdən-birə marketinqdən az-çox nəsə anlamağın zərurətini dərk edən menecerlər üçün. Tutalım ki, siz maliyyə üzrə vitse-prezident, qeyrikommersiya təşkilatının baş direktoru, ya da bazara yeni məhsul çıxarmağa hazırlaşan sahibkarsınız. O qədər məşğulsunuz ki, hətta 300 səhifəlik "Yeııi başlayanlar üçün marketinq” 1 kitabını oxumağa vaxt ayıra bilmirsiniz və eyni zamanda nüfuzlu mütəxəssisin müəyyənləşdirdiyi əsas anlayış və prinsipləri daha qısa və sadə formada əldə etməyə üstünlük verirsiniz.
İnformasiyaMüəllif hüquqları ilə əlaqədar olaraq materialın yükləmə e-keçidi saytdan silinmişdir.
